Skip to main content

Catalanerit kiffaanngissuseerunnissamut taasitsitsinermi Spaniamiut politiivi akuleruttut

Politiit pissaaneq atorlugu catalanerit qinersisartui peersissimavaat imassallu gummit atorlugit seqqortaarsimallutik. Taama oqaluttuarpoq Sky News. Spaniami naalakkersuisut isumaqarput, kiffaanngissuseerunnissamut taasititsineq inerteqqutaasoq.

Spaniamiut politiivisa Cataloniami qinersiviit, kiffaanngissuseerunnissamut qinersineq unitsinniarlugu, saassuppaat.

Sumiiffinni arlalinni qinersisartut pissaaneq atorlugu qimagutsitsisimapput parnaarussaqarlutillu. Sky News naapertorlugu nalunaaqutaq 10.45 sioqqutilaarlugu qinersivinni ataasiakkaani imassat gummit inunnut seqqortaarutigineqarsimapput.

Taasitsitsineq tunngaviusumik inatsimmut naapertuutinngitsoq spaniami eqqartuussiviit qulleraannit oqaatigineqareersimavoq. Catalanerit oqartussanit sapaat nalunaaqutaq 6 pitinnagut qinisiviit qimassagaat piumaffigineqarsimapput, taamaaliortoqarsimanngilarlu.

Ullaassakkullu qinersisartut qinersiviit eqqaanni katersuutilereersimapput.

Illoqarfeeqqami nalunaaquttap akunnerata missaani Barcelonamiit ungasitsigisumi nikorfavoq Elisabet Navais atuarfiup silataani catalanerit 200-t missaaniittut allat ilagalugit.

Sapaatiummat ullaassakkulli nalunaaqutaq 05 politiit taasititsinermik unitsitseriaraluarnerat akiorniarlugu inuit atuarfiit eqqaani katersuussimapput.

- Spaniami naalakkersuisut oqaatigaat qinersisinnaanngitsugut. Kisianni cataloneriusugut isumaqarpugut, nunami tamat oqartussaaqataanerannik ingerlaffiusumik kikkulluunniit qinersisinnaasut. Taamaaliorniarpugulli, atuarfiutigullu illersortariaqassavagut, 37-nik ukiulik Elisabet Navais Ritzauimut oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER