Skip to main content

Canadami saassussineq peqqarniisaarniarnertut misissuiffigineqartoq

Bilimik saassussinerup nalaani inuit tallimat aqqunartitserput kingornalu biilimik malersuisoqarluni.

Canadap illoqarfiarni Edmontonimi, arsaattarfiup silataani politiimik angallattunut ussersortumik saassussineq, kingornalu biilimik malersuineq, peqqarniisaarniartoqarsimaneratuulli misissuiffigineqarpoq.

Nutaarsiassaqartitsivik AFP naapertorlugu canadami politiit taama oqarput.

Ministeriunerup Justin Trudeauip oqaatigaa, assut annilaagalluni saassussinerlu 'peqqarniisaarniarnertut' oqaatigisani mamiatsaatigeqalugu.

- Misissuinerup ingerlanerani, paasinarsivoq manna uumiginnermik pilersinneqarsimasoq, sillimaffigisassattalu ilagigaat, taanna oqaaseqaammini oqarpoq.

Edmontonimi politiit pisortaat, Rod Knechtip oqaatigaa, inuk ataaseq tigusarineqarlunilu parnaarunneqarsimasoq.

- Naak misissuineq aallarteqqammingaluartoq ilimagaarput inuk taanna kisimiilluni saassussisimasoq, Rod Knecht oqarpoq.

Tigusarineqartoq 30-nik ukiulik Edmontoniminngaanneersuunerarpaat.

Saassussineq najukkami nalunaaqutaq malillugu 20.15 pivoq. Tassani biilip assiaqutsersuineq angallannermilu politi aporsimavai.

Politeeq Edmontonimi Alberta's Commonwealth Stadiumip silataani Chevrolet Malibu qaqortumit aporneqarpoq.

Knechtip oqaatigaa, biilimik aquttoq, assiaqutsersuinermik apuisoq, nioriarluni politeeq aqqunaqqasoq savimmik saassussimagaa. Tamatumalu kingorna saassussisoq arpalluni qimaasimalluni.

Nalunaaquttap akunneri arlaqanngitsut qaangiunnerini najukkami unnuaqeqqanngitsiartoq biili attartortagaq usisaatilik nakkutilliivimmi unitsinneqarsimavoq. Biililu sukkasuumik aallarsimasimavoq biilimillu malersuineq aallartilluni.

Biilimik malersuinermi biilip usisaatillip kinngunnginnermini pisuinnaat sisamat aporsimavai, pasineqartorlu tigusaalluni.

- Pisut aalajangiuffigineqarput peqqarniisaarniarnertut misissuiffigineqassasut, politiit pisortaat oqarpoq.

Politiit oqaatigaat bilini pineqartuni marlunni aappaani Islamisk Statit erfaluasuannik nassaartoqarsimasoq.

Pisuinnaat qanoq aqqunartigisimanerat, paasissutissiarineqanngilaq. Politeerlu napparsimaviliaanneqarsimasoq, nutaarsiassaqartitsivik AP naapertorlugu perulluliunngilaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER