ineriartorneq
B.S-ip Naalakkersuisut ikiussavai
Naalakkersuisut ajornartorsiornerminni siunnersortimit imaannaanngitsumit ikiorneqassapput
Danmarkimi sakkutuut immikkut sungiusarsimasut tusaamasaanerpaartaat B.S. Christiansen Naalakkersuisunit suliassamik iminneqarsimavoq.
Taamaattorli sumorpiaq ikiuutissanersoq – ajornartorsiornermi aqutsinermut imaluunniit naalakkersuisut ataatsimoornissaannik eqqortumik ineriartortitsinissamut – suli maanna isertugaataalluinnarpoq.
AG Naalakkersuisut napasuliarsuannut apeqqutilleereerluni Naalakkersuisut Siulittaasuata Naalakkersuisoqarfiani pisortamit Søren Hald Møllerimit, pineqartumut pimoorullugu paasissutisseerusunngitsumit – e-mailimik tigusaqarpoq.
E-maili – sakkutooqarnermi anersaaq malilluinnarlugu paasiuminaallisakkatut pissuseqarneruvoq. Aap, nalunaqaaq, imaassinnaavoq B.S. Christiansenip tamatumanerpiaq ingerlatsivik siunnersuutinik marlussunnik ilinniartereersimagaa: Naluneqanngitsutummi nipangersimaneq kuultitut ippoq, oqalunnerlu sakkutuumut immikkut sungiusarsimasunut ajortuliaalluni.
- Naalakkersuisut suleqatigiittut nutaatut ineriartortitsinermik suliamik aqqusaagaqarnissaat sivitsortumi pilersaarutaasimavoq. B.S. Christiansenip Naalakkersuisut suliap ingerlanneqarnerata qanoq ittuunissaanut isumassarsianik ikiussavai, Hald Møllerip mailiani atuarneqarsinnaavoq.
Namminersorlutik Oqartussat qanoq aningaasartuuteqassamaarnersut ilaatigut aviisimi AG-mi atuarneqarsinnaavoq. Aviisi ataani aamma pisiarineqarsinnaavoq: