Brugsenip arpatsitsinera
Brugsenip ukiumoortumik arpatsitsinera arfininngorpat aallartissaaq
Pisarneq malillugu Brugseni ukiumoortumik arfininngorpat 10. juni illoqarfinni tamani Brugseneqartuni arpatsitsissaaq.
Annonse
Arfininngorpat arpaatit qilernissaannut piffissanngoqqissaaq. Brugseni tassani pisarneq malillugu ukiumoortumik arpatsitsissaaq.
Unammisitsinermi arpanneq 10 kilometeriusoq nal. 13 aallartissaaq, ilaqutariinnullu arpatsitsineq 3.5 kilometeriusoq nal. 14 aallartissalluni.
Ullup ingerlanerani eqqugassaqassaaq, ilaatigut eqqorneqarsinnaapput 3.000 koruunit imaluunniit kalaalimernit 1.000 koruuninik nalillit.
Brugsenip arpatsitsinera illoqarfinni Brugsenilinni tamani ingerlanneqassaaq. Ukunani:
- Sisimiut
- Maniitsoq
- Nuuk
- Paamiut
- Narsaq
- Qaqortoq
- Nanortalik