Narsaq
Brugsenimi ulapipput
Agguagarsiassat agguaanneqarmata pisarnertut Brugsenip pisiniarfiini inuppassuaqarpoq
Annonse
Pisarnertut Brugsenip pisiniarfiini ulloq ulapiffiunerpaat ilagaat ilaasortat agguagarsinassaat agguaanneqarmata. Taamaapportaaq Narsami Brugsenip pisiniarfiani.
Nerrivimmi kinguleriiaartut
Piffissap sivikitsup ingerlanerinnaani nerrivik ulikkaavippoq, tassani illoqarfimmi siulersuisunut ilaasortat sinnersaraallutik Brugsenimi ilaasortat qassinik agguagarsiassaqarnersut oqaluttuuttarlugit.
Kinguninngualu karsini ulapputtoqarpoq, sulisut pisiniartorpassuit utdaqqikatattut malinnaaffigiuminaatsillugit.
Raajat panertut
Nalunaaqutaq 10.00-miit Brugseni kaffillerllunilu tiillerpoq nalunaaqutarlu 14.00 pisiniat raajanik panertunik Narsami Panertut-meersumit misiliitinneqarput.