assit takukkit:
Brugseni Julecup
Immikkoortup aappaa ingerlanneqaqqammerpoq
Brugseni Julecup 2016-ip immikkoortuata aappaa ippassaq ingerlanneqarpoq. Sermitsaq.AG una imaqarniliaq aaqqissuisunit nassiussarsiaraa.
Unamminermi siullermi GSS arnartaat Nuummeersut aamma QNA, Danmarkimi najugaqartunik amerlanerusunik arsartoqartut unammipput.
Unamminermi pissanganartoqarpallaanngilaq, GSS-ip misilittagartunera arsaqatigiillaqqinneralu unammisanut ajornakusoortitsimmat.
Najaaja A. Lyberth aamma Lykke Frank Hansen unamminermi isertitaqarnersaapput 12-inik aamma 11-nik isertitaqaramik,
Mia nammassisoq
QNA-kkunni aamma unammisartut inuusunnerusuni misilittagalittaqarput, Mia Egede Rasmussenip nammattuulluni arfineq-pingasoraarpoq.
Aqagu QNA-p illoqarfimmeersut holdit unammissavai, tassani ajugaasut GSS finalimi unammissavaat.
GSS pitsaanerusoq
Angutini aamma GSS QNA-lu unammipput. Unammineq minutsini 20-ni siullerni pissanganalaarpoq. Kisianni pitsaanerunerup aamma GSS-p unammisartuini arsaqatigiilluarnerup siuaraluttuinnartippai.
GSS qularnaatsumik 30-20-mik ajugaavoq.
Aqagu QNA aamma NÛK toqqaannartumik finalimut anngunniullutik unammissapput.