Agguagarsiat
Brugseni ilaasortaminut millioninik agguaalerpoq
Brugsenimi agguagarsiat sapaat januarip 26-at agguaanneqassapput
Brugsenip pisiniarfiini sapaat januarip 26-at inuppassuaqassagunarpoq ulloq taanna agguagarsiat agguaanneqartussaammata. Aningaasat amikkisaalerfimmi tunniunneqassapput juullisiorluareernermi januarip naalernerani aningaasaatit sipaaqqissaarneqalerfianni agguaasoqassammat.
Atuaruk: Brugsenimi agguagarsisitsineq
Brugsenimi ilaasortat 21.500-ut aningaasat 7,1 millioner koruunit agguassavaat. Taakku siornamut sanilliullugu 2 millioner koruuninik ikileriarput siorna 9,1 millioner koruunit agguaanneqarmata. 2012-mi 6,5 millioner koruunit agguaanneqarput.
- Pisiniarfitta soqutigineqarnerat nuannaarutigaarput. Ilaasortagut ukiut tamaasa amerliartorusaarput – ukiorlu manna ilaasortagut 21.500-t agguagarsissapput, siulittaasoq Ib Lennert Olsen oqarpoq.
Brugsenimi ilaasortaq 2 procentimik agguagarsisarput.