ukiumut naatsorsuutit
Brugseni angusarissaartuarsinnarpoq
Brugseni kaaviartitamikkut rekordileeqqippoq, pigisallu nalillik 5 mio koruniinik appartitsisimangaluartoq inerniliussaq rekordiliingaatsiartitsivoq.
Naatsorsuutit qaffariangaatsiaateqarnerannut peqqutit tallimaapput.
- Nuummi Qinngorpumi pisiniarfimmik ammaasoqarpoq, tassani kaaviaartinneqartussat ilimagisamit 50 procentimik qaffasinnerusimapput.
- Sisimiuni Panduro immikkoortortaqarfimmik ammaasoqarpoq
- Brugsenimi kaaviaartitaasa amerlanerulernerat kusanartoq
- Ammasarfiit allanngortut
- Umiarsuit takornariataatit immikkut isiginiarlugit – Nanortalimmiinerusoq.
- Appartitsinerit eqqaassanngikkaanni angusat rekordiliiseqqipput aningaasartuutitsinnik isiginninniarnerulersimanitsinnut takussutissaavoq, toqqorsiviit pitsanngorsarneqarsimapput kiisalu sulisut pisinnaasaat qaffassarneqarsimallutik, ukiumut naatsorsuutini ilaatigut taama allassimasoqarpoq.
Aningaasaliinerit amerlsinneqartut
Ukioq kingulleq Brugseni aningaasaliinerusimavoq ukuli taaneqarlutik:
- Qinngorpumi pisiniarfik nutaaq
- Maniitsumi Narsarmilu Brugsenit seqernup qinngorneranik nukissiuuteqartinneqalersimapput.
- Sisimiuni Brugseni bileqalersimavoq
- Nuummi neqaarniarfiup qallersuutissiorfialu nutarterneqarsipput.
- Sulisunut inissiassanik nutaanik pisisoqarsimavoq
Sulisut amerlineqarsimapput
Ukiuni kingulleq sulisorineqartut amerlatsissimapput. 2015 naanerani 409-usimasut 2016-ip naanerani 438-nngorsimapput.
Piginneqataasut 42.109-nut nalunaarsorneqarsimapput, taakkuli 9 mio koruunit missaannik agguangassarsitinneqarsimallutik.