niuerneq

Brugseni aatsaat taama amerlatigisunik agguagarsititsissaaq

Ilaasortat agguagarsitinneqassapput januaarip 9-anni

Arfininngorpat Brugsenimi ulapittoqassaaq

Kinguleriiaartuni utaqqineq nuannarinngikkukku arfininngorpat januaarip 9-anni Brugseniliarniaqinak.

Ulloq taanna ilaasortat 2015-imi agguagarsiassaat tunniunneqassapput.

9,5 millioner koruunit

Tamatumuuna agguagarsiassat tamarmiusut 9,5 millioner koruuniupput, taakkulu 2014-imit amerlanerupput, taamanikkut Brugsenip 9 millioner koruunit ilaasortanut agguaammagit. 2013-imi agguagarsiat tamarmiusut 7,1 millioner koruuniupput.

Kaaviiaartitat amerleriartut

Ilaasortat Brugsenimi pisiaminnit 2 procentimik agguagarsisarput. Pisiniarfinnilu nioqqutissat amerlanerpaartaat agguagartitsissutaasarput. Taamaattumik agguagarsiassat tunniunneqartussat amerleriarnerat ersarissumik takussutissaavoq Brugsenimi pisiniarfiutileqatigiiffissuup kaaviiaartitai amerleriarsimasut.

Powered by Labrador CMS