Skip to main content

Brexit Kalaallit Nunaannut akisoorujussuanngorsinnaasoq

Tuluit Nunaata EU-mut ilaasortaajunnaarnera Kalaallit Nunaannut akisoorujussuusinnaasoq, Sulisitsisut isumaqarput. Kisianni Namminersorlutik Oqartussat suliniuteqarlutik tamaviaarput neriuutigalugulu Kalaallit Nunaata Tuluit Nunaanni niuerfimmut akileraarusigaanngitsunik nioqquteqartuaannarnissaa isumaqatigiinniarnikkut anguneqarsinnaassasoq.

Tuluit Nunaat EU-mut aappaagu ilaasortaajunnaarpat Kalaallit Nunaat sakkortoorujussuarmik eqqugaasinnaavoq. Aalisakkanimmi suliffissuaqarnermi aningaasanik pingaarutilimmik iluanaaruteqartarneq suliffippassuillu annaaneqarsinnaapput, Sermitsiaq allappoq.

Tuluit Nunaat tassaavoq Europami nuna Kalaallit Nunaata raajanik uutitikkanik qalipaajakkanillu annerpaamik tunisaqarfigisartagaa.

Tuluit niueqatigiiffik aappaagu marsip 29-ani qimassavaat. Tamanna ajornerpaamik pisoqarpat Kalaallit Nunaata raajanik akileraarusigaanngitsunik avammut tunisarisartagaanit tamarmiusunit ukiumut 3 milliarder koruunit missaanniittunit koruunit milliardip affai angullugit amerlassuseqartunik annaasaqarneranik kinguneqarsinnaavoq. Tamatuma qaavatigut Kalaallit Nunaanni raajaleriffinnik marlunnik matusinermut atatillugu suliffissanik 300-nik annaasaqartoqarsinnaavoq.

Kingunissaanut ernumassut

Tamanna Sulisitsisut nalilersuigallarnerannit takutinneqarpoq. Tuluit EU-mut ilaasortaajunnaarnissaata malitsigisaanik EU-p, taamalu aamma Kalaallit Nunaata, Tuluit Nunaannut isumaqatigiinniarneranut ilungersunartumut ajornakusoortumullu atatillugu Kalaallit Nunaannut suliffissaqartitsineq avammullu niuernermik isertitat pineqartillugit qanoq annertutigisumik annaasaqarsinnaaneq siullermeerluni tigussaasumik kisitsisitalerneqarpoq.  

Henrik Leth, Sulisitsisunut aamma Polar Seafoodimut siulittaasoq, tuluit EU-mut ilaasortaajunnaarnissaata kingunerisassaanik ernummatiginnittorujussuuvoq.

- Aappagu marsip naaneraniit tunisassiavut Tuluit Nunaanni, Kalaallit Nunaata raajanut uutitikkanut qalipaajakkanullu niuerfiisa pingaarnersaanni, akileraarusersorneqalissagaluarpata tamanna alianarluinnartuussaaq, oqarpoq.

Allaaserisaq aviisimi Sermitsiami tamakkiisumik atuarneqarsinnaavoq. Aviisi uani pisiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER