Skip to main content

Breivikip peqqarniisaarneranut igalaamineq seqummakoq eqqaassutissanngorpoq

Utøyami Oslomilu ukiut arfineq-marluk matuma siorna peqqarniisaarnermut eqqaassutissat sivisuumik utoqqaneqareersimallutik sapaammi uleerneqarput.

Anders Breivikip qeqertami Utøyami juulip 22-ani 2011-imi peqqarniisaarnerani inuit 77-it toqunneqartut eqqaassutissaat norskit naalakkersuisoqarfiata silataani, Oslomi, sapaammi uleerneqarpoq.

Eqqaassutissaq iigavoq toqunneqartut atii ukiuilu allanneqarsimallutik. Eqqaassutissallu natertaata ilaa igalaaminernik seqummakunik ilaatigut sananeqarsimalluni.

Igalaamerngit seqummakut takutinniarpaat 2011-mi peqqarniisaartoqarnerani naalakkersuisoqarfiup silataani soqarsimanersoq qaartartoq qaartinneqarmat.

Lisbeth Røyneland, 22. juli pillugu tapersersoqatigiinneersup, nuannaarutigaa eqqaassutissaq kiisami inissinneqarmat.

- Sivisuumik utaqqisimavarput. Utoqqineq sivisusimavoq. Peqqarniisaartoqarneranit ukiut arfineq-marluk qaangiussimalerput, kisianni tassa kiisami inuiaqatigiit eqqaassutissaqalerpugut. Tamannalu pingaartipparput, norskit nutaarsiassaqartitsiviannut NTB-mut taama siusinnerusukkut oqarpoq.

Lisbeth Røynelandip peqqarniisaartoqarneqarnerani ukiut arfineq-marluk matuma siorna panini annaavaa.

Taamani inuit 77-it toqunneqartut allat 90-it ikilerneqarput.

Taamani Oslomi norskit naalakkersuisoqarfiata silaataani qaartartoq 950 kg. qaartinneqaqqaarpoq, tamatumalu kingorna Anders Breivik politiitut atisalersorsimalluni Arbeiderpartiets Ungdomsforbundip  (AUF) qeqertami Utøyami aasaanerani tammaarsimaartitsinerani peqqarniisaarluni saassussivoq.

Eqqaassutissaq, sapaammi uleerneqartoq, utaqqiisaangallartumik eqqaassutissaavoq.

Eqqaassutissavissaq norskit naalakkersuisuisa illorsuassaat Oslomi sananeqarpat aamma sananeqassaaq. Suli ilisimaneqanngilaq eqqaassutissaq eqqaassutissavissaq qanoq isikkoqarumaassanersoq qaqagulu uleerneqassanersoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER