Braskip suliani annertusarniarpaa: Suleqatikka aningaasaatilissuupput

- Suleqatikka aningaasaatilissuupput, aamma pisariaqartitsilissagaluaruma aningaasaatilik ataaseq attaveqarfigisinnaavara.

Greenland Express Airip pisortaanera Gert Brask tuluit tusagassiuutaannut airfinancejournal.com-imut oqarpoq. Aningaasaatilissuit suleqatigilersinnaanissai aamma ajornanngitsoq oqaatigaa.

- Aningaasaliiumasut arlaqartut suleqataarusupput. Suliarput ajunngilluartuusoq upperivaat.

Nunatsinni illoqarfinnit illoqarfinnut angallassisalernissat aamma siunnerfigineqarput. Timmisartunik marlunnik angallassisoqartalernissaa takorloorneqarpoq, ukiuni pingasunit arfinilinnut isumaqatigiissuteqarfeqarnikkut piviusunngorsinnaallutik. Danskip eqqartuussissusilerisup tamanna sulissutigissagaa oqaatigineqarpoq, oqaatigineqanngilarli eqqartuussisssuserisoq kinaanersoq.

Unikkallarnermut nassuiaat allanngortoq
Timmisartuutileqatigiiffik nalunaaqqammerpoq timmisartuussinini unitsikkallarlugit. Qaqagu timmisartuussisoqaqqilernissaa nalunaarutigineqanngilaq. Timmisartoq atorneqartoq Fokker-100 Danmarkimit Nunatsinnukarsinnaanngitsoq siullermik nassuiaatigineqarpoq, tamanna annertunerusumik Sermitsiami oktobarip pingajuani saqqummersussami atuarneqarsinnaavoq.

Tuluit aviisiliortuinut unikkallarneq pissutigineqarpoq ETOPS-imik isumaqatigiissuseqartoqarnissaa amigaatigineqarnera pissutaalluni unikkallartoqartoq.

Aviisimi Sermitsiami tallimanngorpat tulliani oktobarip pingajuani saqqummertussami Greenland Express Air annertunerusumik atuarneqarsinnaavoq, tassani aallaqqaataanit aallarteqqittoqarniarneranik pilersaaruteqartoqarnera atuarneqarsinnaalluni.

Timmisartuutileqatigiiffiup suleqataa hollandimeersut Denim Airip suleqatigiinnertik pillugu aamma aviisimi sapaatip akunnerata tulliani saqqummersumi atuarneqarsinnaavoq.

Aviisi Sermitsiaq tallimanngornermi oktobarip pingajuani saqqummertussaq pisiariniariuk