Timmisartuussineq
Brask timmisartortitseqatigiiffimmiik pisivoq
Aalartisaasup Gert Braskip Hollandimiut ingerlatsiviat Denim Air, akiliisinnaajunnaaqqajaasoq pisiaraa
Timmisartortitseqatigiinnik aallartisaasoq Gert Brask, Kalaallit Nunaata aamma Danmarkip akornanni akikitsumik timmisartuussisartumik timmisartortitseqatigiiffimmik pilersitsinissamik takorluukkani qanilliallappaa, Check-In.dk taama allappoq.
Timmisartortitsisoq
Ingerlatsivik Greenland Express aqqutigalugu 2014-imi Gert Brask taassuminngarpiaq Denim Airimik timmisartortitsisoqarluni aallartitsivoq.
Tamatuma kingorna akiliinissamut isumaqatigiissummik akerleriissuteqarneq pivoq, tamatumalu ingerlatsineq tamaat taamaatitippaa. Maannali Gert Brask timmisartortitseqatigiiffillu iluarsaqqinneqartoq Sky Greenland ApS (siornatigut Greenland Express) Kangerlussuarmiittup Denim Air akiliisinnaajunnaaqqajaasoq pisiariniarlugu aalajangerpoq.
Atuaruk: Gert Brask: Pissutsit kikkunnut tamanut kipiluttunartorujussuupput
Taarsigassat
Denim Airimit pisinermut atatillugu taarsigassanut tunngasumik pisussaaffeqarpoq, sulisut 50-t, timmisartunut pingasunut atornermut isumaqatigiissutit - kiisalu timmisartortitseqatigiiffimmik ingerlatsisinnaanermut akuersissut pingaaruteqartoq.
Atuaruk: Gert Braskip ukioq manna angallassinissani taamaatippai