Borgmesteriusimasut: Ataaseq isertoq - marluk ilaasortanngunngitsut
Qeqqata Kommuniani borgmesteriusimasoq Hermann Berthelsen Siumumeersoq Inatsisartunut qinigaasoq, allat borgmesteriusimasut marluk, Siumumeersut Jess Svane aamma Ole Dorph qinigaanngillat. Kisianni Jess Svane Siumumi sinniisutut siullertut Inatsisartunut ilaasortanngornissaa ilimanarpoq.
Marlunngornermi Inatsisartunut qinersinerup kingorna, Qeqqata Kommuniani borgmesteriusimasoq, Siumumeersoq Hermann Berthelsen, 429-nit taaguunneqarluni Inatsisartunut qinigaavoq. Taasinernit 429-iusunit illoqarfimmit Sisimiunit 353-t pissarsiarai. Sisimiuni aamma Qeqqata Kommuniani borgmesteriusimasoq siullermeerluni Inatsisartunut qinigassanngortippoq.
Taamaalilluni borgmesteriusimasup illoqarfimmini qinersisartutoqqani amerlasuut pigiinnarpai, kommunimilu politikkimi suleqaatigisimasai marluk ingerlalluarpallaanngillat.
Dermed har den populære eks-borgmester bibeholdt en stor del af sine trofaste vælgere fra sin hjemby, mens det er gået knap så godt for hans to andre eks-kollegaer i kommunalpolitik.
Jess Svane sinniissutut siullertut inisseqqittoq
Qinigaaffimmi 2009-mit 2014-iut Qaasuitsup Kommuniani borgmesteriusimasoq, Jess Svane, Inatsisartunut qinigaanngilaq. Taanna marlunngornermi qinersisoqarnerani 161-init taaguunneqarpoq, taamaalillunilu Siumup sinniisuini siullertut inissippoq, taamaattumillu 2014-imi qinersinertut sinniisutut siullertut Inatsisartunut ilaasortanngoqqinniarpasippoq, Siumumi Naalakkersuisunut ilaasortat Inatsisartunut ilaasortatut atorfimminnit sulinngiffeqartarnerat ileqquummat.
Qaasuitsup Kommuniani kingullermi borgmesteriusimasumut tassani allatut pisoqarpoq. Inatsisartunummi qinersinermi Ole Dorphip Ilulissani qinersisartuni qularunnaarsissimanngilai, illoqarfigisaminilu 108-nit taamaallaat taaguunneqarpoq, 2013-imi kommunimut qinersinermi 391-nit taaguunneqarnikuulluni. Taarsiullugu marlunngornermi Inatsisartunut qinersisoqarnerani Ole Dorph sinniisut tallimaattut inissippoq.