ingerlaqqinnaveertut
Borgmesterip Air Greenland isornartorsiorpaa
Upernaviup nunaqarfiini innuttaasorpassuit juullimi sulinngiffeqareerlutik suli angerlanngillat, tamanna qulimiguullip teknikkikkut ajoquteqarneranik aamma silarlunneranik pissuteqarpoq.
Tamatuma Avannaata Kommuniani borgmesteri Palle Jerimiassen qisuariartillugulu Air Greenlandimi isornartorsiuitippaa.
Pissutsit naleqqutinngitsut
- Pissutsit taamaanneri ullutsinnut naleqqutinngilluinnarput Air Greenlandillu qulimiguuliisa nunaqarfiliartaataasa nutartertariaqalersimanerannut takussutissiisuullutik, borgmesteri tusagassiuutinut nalunaarummi naqissusiivoq.
- Tamatta nunatsinni pingaartittarparput juullikkunni ukiullu nikinnerini ilaquttatta ilaginissaat. Ajuusaarnartumik Upernaviup eqqaamiuvinut arlalissuarnut ukioq manna tamanna pisinnaasimanngilaq, Palle Jerimiassen ilisimatitsivoq.
Taamaammat taassuma Air Greenland aamma Naalakkersuisut piaartumik Air Greenlandip qulimiguuliisa naleqqussarlugit taarsersornissaat sulissutigeqqullugit kaammattorpai.
Aamma atuakkit:
Pilersaarut iluatsinngitsoortoq: Air Greenland utoqqatserpoq...
Upernavimmi eqqaanilu juullimili angalaqqinnaveertut
Nunaqarfimmi ilinniartitsisoq kamattoq: Sivisuumik qulimiguulimmik tikinneqanngilagut