Kommunimut qinersineq 2017
Borgmesterinngorniuttut tallimat
Politikerit ilisimaneqarluartut Qaasuitsoq avannarlermi iluminni sakkortuumik unammipput pissaaneqarluartutut akissaatigissaarfiusutullu borgmesteritut atorfik qinersinerup kingorna pissarsiariniarlugu
Palle Jerimiassen, Ane Lone Bagger, Jørgen Kristensen, Sakio Fleischer imaluunniit Jens Immanuelsen.
Iluminni pissanganartorsiornissaat
Qaasuitsoq avannarlermi qinersinerup kingorna borgmesterissatut imminnut piukkuttut tallimanit ikinnerunngillat. Taaguunneqarnerpaajuneq akissaatigissaarluni borgmesterinngornissamut qulakkeerutaassangilaq. Taamaammat aprilip sisamaani qinersinerup kingorna Siumukkut iluminni pissanganartorsioqqaartussanngorput.
Ilisimaneqareersutut maanna borgmesteriusoq Ole Dorph Siumumeersoq qinigassanngorteqqinngilaq, partiilu taassuma kingoraartissaanik inassuteqarsimanngilaq. Taamaammat borgmesterinngorniuttoqassaaq.
''Piareersimavunga''
- Uummannami qinersisartunik ataatsimiisitsinermi toqqaannartumik aperineqarpunga borgmesterissatut piukkunnersunga. Suliassamut piareersimavunga. Kisianni Siumut sinnerlugu borgmesterissatut kina innersuunneqassanersoq Siumup gruppeata aalajangertussaavaa. Eqqarsartaasera malillugu kommunalbestyrelsemut qinersineq borgmesterimut qinersinerunngilaq. Tamanna kommunalbestyrelsemi gruppeulersussap aalajangertussaavaa, Sakio Fleischer kingullermik qinersinermi139-nit taaguunneqartoq oqarpoq.
2013-mi qinersinermi angusat qiviaraanni Sakio Fleischer taamaallaat parteeqatiminit Palle Jerimiassenimit qaangerneqarsimavoq maanna Siumup qineqqusaartitaasa akornanni. Taamanikkut Palle Jerimiassen 227-nit taaguunneqarpoq.
Taaguunneqarluartartut
Siumumiit taaguunneqarluartartut allat soorlu Jess Svane aamma Kristians Jeremiassen Qaasuitsoq kujallermi qineqqusaarput.
Allaaserisaq tamaat kommunimut qinersinissamut pissanganartumut tunngasoq AG-mi saqqummertumi atuaruk, uani ataani linki atorlugu akiliillutit iserfigisinnaavat: