ilinniartitaaneq
Borgmesterimut allakkat ammasut: Equngasumik sipaarniuteqarneq
Lise Svenningsen, pædagogik-imi psykologi-milu master-imik ingerlatsisoq, meeqqat atuarfianni sipaarniuteqarneq pillugu borgmester Asii Chemnitz Narupimut ammasunik allagaqarpoq
Ilinniagaqartitsinermi Kommuneqarfik Sermersuup sipaarniutiginiagai 10 millioner koruunit equngasumik eqquissapput.
– Sipaarniuteqarnikkut ilinniartitsisut pikkorissartarnerat eqqorneqassaaq - tamanna ajunngila, Lise Svenningsen aperivoq, taannalu pædagogik-imi psykologi-milu master-imik ingerlatsivoq. Taassuma borgmester Asii Chemnitz Narupimut, Inuit Ataqatigiit, allakkat ammasut aaqqissuisoqarfimmut nassiuppai, taakkunani apeqquserlugu ilinniagaqartunik assigiinngisitsineq ajunnginnersoq.
Allakkat imatut nipaqarput:
– Nalunaaruteqarputit meeqqat atuarfianni 10 millioner koruunit sipaarutigineqassasut. Eqqorneqartussat ilagaat ilinniartitisisut pikkorissartinneqartarnerat, tassungalu ilissi (kommunip, aaqqiss.) akiliutigisartakkani annikitsuinnaapput. Tamanna ajunngilaq, isumaqarpilli ajunngitsoq ilinniagaqartut, atuarfinniittut kisimik eqqorneqassammata?
Isumaqanngilatit naammaginartoq pissusissamisoorlunilu kommuninni pikkorissartinneqartartut tamaasa sipaarfigineqarnissaat? Matumani eqqarsaatigaakka assersuutigalugu MISI-mi imaluunniit isumaginninnermik ingerlatsivimmi sulisut, imauunniit isumaqarpit ajunngitsoq Kommuninni sulisutit assigiinngitsumik pineqarnissaat?
Pikkorissartitsisarnerit unitsinnissaannut tunngavilersuutivit ilagaat annertunerusumik takuneqarsinnaaniassammat aningaasat sumut atorneqassanersut. Tassa pikkorissartitsisarnermut politikkimik pitsaanerusumik pilersitsiluni, tamannalu ajunngilaq pisariaqartinneqarmat, kommunimi imaluunniit namminersorlutik oqartussani suligaluaraanniluunniit.
Aamma atuaruk: Sermersooq imatut sipaarniuteqarpoq
Aamma atuaruk: Sipaarniutit pillugit atuartut tusarniarneqarput
Isumaqarpunga tamanna pisinnaasoq pikkorissartitsinerit unitsinngikkaluarlugit, tassa pingaartumik pædagogik psykologi-lu, ullutsinni meeqqat atuarfianni atuartunut immikkut ikiorneqarnissamik pisariaqartitsisunut aatsaat taama atorfissaqartinneqartigimmata.
Ilinniarfiit 10 millioner koruuninik sipaarniarfigineqarnerat illit qanoq isumaqarfigaajuk. Aningaasat kommunip missingersuutaani allami nassaarineqarsinnaappat? Siunnersuutissaqarpit, taava ataani oqallinnermi peqataagit: