Kommune Kujalleq
Borgmesteri: Narsarsuaq nunaqarfiuinnassaaq
Kommune Kujalliup Narsarsuaq nunaqarfittut attatiinnarusuppaa, aamma Narsarsuarmi mittarfik millineqassagaluarpat, borgmester Jørgen Wæver Johansen oqarpoq
Naalakkersuisut Qaqortumi 1.199 meterinik takissusilimmik 2018-imi atulersussamik mittarfiliornissamik pilersaarutaat, taamaasillunilu Narsarsuarmi mittarfik minnerulersillugu, Narsarsuarmiut toqqissisimanngissutigaat.
Taakkua ukiuni arlalinni oqartussaassunut saaffiginnittarsimagaluarput qanoq pineqassaminnik, mannali tikillugu akineqartarsimanatik.
Matuneqassanngilaq
Maanna Kommune Kujalliup borgmesteriata Jørgen Wæver Johansenip saqqummiuppaa Narsarsuaq qanoq pineqassanersoq, Kujalleq Airport atulissagaluarpat.
- Qularutigineqassanngilaq Narsarsuup nunaqarfittut attatiinnarneqarnissaa Kommune Kujalliup kissaatigigaa, aamma Narsarsuarmi mittarfik millineqassagaluarpat. Tassa kommunip nunaqarfimmi pisortat suliffeqarfiutaat pisariaqartinneqartut attatiinnarniarpai, kommunimi nunaqarfinni allani tunngavissaasut assigalugit, Jørgen Wæver Johansen akissummini allappoq.
Allaaserineqartoq tamaat Sermitsiami atuarneqarsinnaavoq. Aviisi uani aamma pisiarineqarsinnaavoq: