Siumup ataatsimeersuarnera
Borgmesteri alla Kim Kielsenimut aamma tapersersuivoq
Ippassaq borgmester Malik Berthelsen Sisimiuninngaanneersoq, ullumikkulli Avannaata Kommuniani borgmesterinngortussap Palle Jerimiassenip Siumumi siulittaasoq, Kim Kielsen, siulittaasunngorniunnissami tapersersorlugu nalunaaruteqarpoq.
Kim Kielseni Siumumi siuttuussasoq, borgmesteriusimasup Ole Dorphip tikkuarsimavaa.
- Siumup naalakkersuisoqarneq tigummivaa, taamaattumik qinersititsiniarnermik oqariartorneq pissusissamisuunngilaq, aamma massakkut Naalakkersuinermik ingerlatsineq inuiaqatigiinnit amerlanerpaanit tunuliaqusersorneqartoq qinersivik naallugu ingerlasariaqarpoq, Palle Jerimiassen tapersersuinerminut ilaatigut taama tunngavilersuivoq.
Illoqarfiit ilaannit partiimi nuimanerit ilaasa Kim Kielsenimut tapersiinertik nalunaarutigaat, ilimanarsinnaalerporli taassuma qinigaaqqinnissaa.
Nunanut Allannut tunngasunut Naalakkersuisuusimasoq Vittus Qujaukitsoq, Kim Kielsenimut unammillertuuvoq.
Siulittaasumik qinersineq sisamanngornermi ualinerani ingerlanneqassaaq.
Formandsvalget holdes torsdag eftermiddag.