Folketingip ataatsimiittarfiani
Borgenimi ataatsimiinnermi siullermi kalaallit imminnut assilipput
Folketingip nutaap ataatsimeeqqaarnerani Aaja Chemnitz Larsen Aleqa Hammondilu imminnut assilipput
Folketingi nutaaq sisamanngormat ataatsimeeqqaarpoq.
Ilaasortat nuaat allat assigalugit kalaallit ilaasortaatitaat Folketingip ataatsimiittarfiani inissaminnut inissipput.
Inuit Ataqatigiinneersoq Aaja Chemnitz Larsen Siumumeersorlu Aleqa Hammond sanileeriittussatut inissinneqarsimapput, Berthel Haarderillu ataatsimiinnerup aallartinneranut sianernissaa minutsinik marlussunnik sioqqullugu kalaallit folketingimut ilaasortaatitaat taakkua marluk imminnut assileqatigiipput.
Folketingip nutaap ataatsimiinnera siulleq najoqqutassiineruvoq minutsialunnguaannarnik sivisussuseqarluni, tassani Venstreneersoq Bertel Haarder Folketingimi siulittaasuugallartutut qinerneqarluni. Tallimanngorpat Dansk Folkeparti-p siulittaasorisimasaa Pia Kjærsgard Folketingip siulittaasuatut qinerneqassaaq.
IA-meersup Aaja Chemnitz Larsenip Kalaallit Nunaannut Ataatsimiititaliami siulittaasuuffik pillugu Venstre isumaqatigiinniarfigaa.