Island Games
Bordtennis: Qatanngutigiit Nielsenikkut ingerlaqqipput
Aqqalu Nielsen aamma Ivik Nielsen kisimiilluni unammiuaarnermi gruppimi unammereernerup kingorna ingerlaqqipput. Arnani aamma Nukannguaq Søholm ingerlaqqippoq
Annonce
Sermitsiaq.AG-p pingasunngormat allaaserisaatut Island Gamesimi, Jerseymi ingerlanneqartumi, bordtennis-imi holdikkaarluni unamminermi Kalaallit Nunaat uggornartumik normu 4-rannguinnarpoq.
Kisimiilluni unammiuaarneq pingasunngormat aallartippoq.
Angutini kisimiilluni unamminermi Aqqalu Nielsen Ivik Nielsenilu ingerlaqqipput. Sisamanngornermi unammeqqissapput, ajugaagunik ingerlaqqillutik ajorsarunillu anisitaallutik. Taakkua aamma iligiiaarluni unamminermi unammeqataapput ingerlaqqillutillu.
Arnani Nukannguaq Søholm kisimiilluni unammiuaarnermi ingerlaqqippoq.
Ullumi sisamanngornermi arnat iligiiaarlutik kiisalu arnat angutillu iligiiaarlutik unammissapput, unamminerillu sinneri tallimanngornermi ingerlanneqassapput.