blog og debat
Blogger: Uungaannaq isiginak, Jens-Erik
Namminersorlutik Oqartussat ´uuliasiornissarsuaq´ landskarsillu imaqanngitsup milliardilikkaanik isertitaqarnissaanik sinnattortik ima aalajangiusimagigunarpaat mianersoqqussutit sakkortunerpaalluunniit arajutsineqarlutik, bloggertartoq Greenpeace-meersoq Jon Burgwald allappoq
Piffissami kingullermi oqallisigineqareersorlu qanoq pisoqassanersoq Kalaallit Nunaanni annertunerusumik uuliamik aniatitsisoqassagaluarpat, selskabilu akisussaasoq qanoq iliuuseqarsinnaanani, Naalakkersuisunut ilaasortaq Jens-Erik Kirkegaard, Siumut, sapaatip akunnerani kingullermi silatusaaqqusivoq.
Tupinnartumilli qularinninngilluinnarpasippoq, Greenpeace-meersoq Jon Burgwald isumaqarpoq, taassumalu Jens-Erik Kirkegaardip qularnaveeqqusiineri apeqquserpai:
– Paasiiuminaappoq Naalakkersuisup akisussaasup taama qularinninngitsigisinnaanera mianersoqqussutillu isummerfigiumanagit. Sooq uliasioqatigiiffiit soorlu Shell, ajutoornerninit qimarratiginneqattaartarsimasoq, taama tatigitigai? Sooq annertunerusumik qulaajarusunngilaa Danmarki suliassatigut aningaasatigullu ikiuussinnaasoq ikiuukkusullunilu, takorluukkaat aarlerinarnerpaat piviusunngussagaluarpata, uulialu nakkutigineqarsinnaanngitsumik Kalaallit Nunaata avataanut anialluni. Qanoq isilluni akuersaarsinnaavaa Kalaallit Nunaata annikinnerpaamilluunniit upalungaarsimannginnera? Pineqanngilaq takorluugaq piviusorpalunngitsoq, pineqarporli piviusumik ulorianartulik, ukiuni qulikkaani kalaallit pinngortitaannik aningaasaqarnerannillu aseruisinnaasoq - immikkullu ilisimasallit amerligaluttuinnartut mianersoqqussutaat.
Taamatut Jon Burgwald aperivoq Sermitsiaq.AG-mi bloggimi ilanngussamigut nutaakkut. Taanna bloggimilu ilanngussat allat atuakkit uani