oqallinneq

Bloggertartoq: Inunngorfimmit nooqqusaannginnissaq naaggaarpara

- Politikkeri Atassummeersoq, kiffaanngissutsimillu illersuisuunerartartoq nuussinnaatitaanerup atorunnaarsinnissaanik eqqarsaateqarsinnaammat tupigaara, Sermitsiaq.AG-mi bloggertartoq Juaaka Lyberth oqarpoq

Juaaka Lyberth

- 'Nuummi inissaaleqinerujussuaq annikillisinneqarsinnaavoq inunngorfimmit nooqqisinnginneq eqqunneqartuuppat. Illoqarfiit akornini nuussinnaatitaaneq killilersorneqarsinnaaleraluarpat inissaminnik utaqqisorpassuit ikilissangaluarput', taama oqarpoq ineqarnermut Naalakkersuisoq Sivert K Heilmann, Atassut, Nuuk TV-mut, marlunngornermi 19 marts, eqqasuuteqarpasinngeqaluni isummi saqqummiukkamiuk, Nuummi innuttaasunik Naalakkersuisut ataatsimiisitsereernerisa kingorna. 'Uagulli kisitta tamanna aalajangersinnaanngilarput, tamatumali oqallisiginissaa uanga ammaaterusuppara', ineqarnermut naalakkersuisoq oqarpoq, innersuussutigalugu 'qangaanerusoq' taamatut iliortoqartarsimasoq.

- Ineqarnermut ministerimit kiffaanngissutsimit illersuisuusumit oqaatsit taama eqqumiitsigisut tusarakkit kaffisungara tupissutigingajalluinnarpara, eqqarsarlungalu, 'qangaanerusumik' oqarami ukiunut suut pinerai. Nunasiaateqarnerup nalaani ukiut eqqaaqqaaraluarpakka, isumaqavillungali taamanissaaq nuna inunngorfik qimallugu nuussinnaatitaaneq inerteqqutaanngitsoq. Taamani inuit piniarfissat niuerfissallu pitsaasut malillugit nutserartarput. Ajoqit niuertussallu aamma nunami tamarmi nuutserartinneqartarput, illussaqarnissaat qulakkeeqqaanngivillugu. Nuuk TV-ani isiginnaagara danskisuujummat tuaviinnaq kalaallisuuanut nuuppara, oqaatsit tusakkakka ilumoornersut qulakkeerniarlugit.

Juaaka Lyberthip bloggini taama aallartippaa.

Allataanilu ilaani ima nangippoq:

- Politikkeri Atassummeersoq, kiffaanngissutsimillu illersuisuunerartartoq Sivert K Heilmannitut ittoq nuussinnaatitaanerup atorunnaarsinnissaanik eqqarsaateqarsinnaammat, inunngorfimmullu qilersorsimajuaannalernissamik oqallissaaraluni, Nuummi inissaaleqinerup aaqqiissutigisinnaasaatut, allamik soriarsinnaajunnaavilluni tunniutiinnarnertut paasisariaqarsorinarpoq.

Allataata sinnera uani atuarsinnaavat

Powered by Labrador CMS