Birnu Brjánsdóttur suli ujaarineqarpoq
Arnaq Islandimiu sooq Polar Nanumiissimasinnaaneranik politiit suli paasissutissaqanngillat
Naak politiit kilisaammi inuttat marluk tigusarereeraluarlugit 20-nik ukiulik Birnu Brjánsdóttur sumiissimasinnaaneranik paasissutissaateqanngillat. Islandimi politiinit Grímur Grímsson nutaarsiassaqartitsivimmut RUV-mut oqarpoq.
20-nillu ukiulik kilisaammukaqatigineqarsimasinnaanera pissutissaqanngitsoq aamma oqaatigalugu.
Islandimi politiit immikkut sungiusakkat ullumi qulimiguulimmik Polar Nanumukarput. Tassani inuttat marluk tingusarineqarlutik.
Atuaruk: Polar Nanumi inuttat marluk tigusarineqarput
Kilisaallu Reykjavikkimut apuuteriarpat tingusarineqartut 20-nik ukiullip periarfeerunneqarneranut killisiorneqartussanngorlutik.
Politiit immikkut sungiusakkat sisamat ippassaq Issittumi sakkutooqarfiup umiarsuaannut Tritonimukarput. Umiarsuarmit Polar Nanumukarnissaq siunertarineqaraluarluni.
Kilisaammulli piginnittup Polar Seafoodip kilisaat Islandimut uteqqullugu peqquaa.