Birna Bjránsdóttir
Birna pillugu suliaq sapaatip-akunnerini marlunni unitsikkallarneqarpoq
Ulloq eqqartuussiffiusoq naggataaq tassaavoq septembarip aallaqqaataa
Birna Brjánsdóttirip toqutaanera pillugu eqqartuussineq sapaatip-akunneri marluk qaangiuppata nanginneqaqqissinnaavoq. Mbl.is taama allaaserisaqarpoq.
Septembarip aallaqqaataani tulliani naggataamillu eqqartuussisoqassaaq.
Unillatsiarnerup taama sivisutigineranut juulimi suliap ingerlanneqartussaagaluarneranik pissuteqarpoq. Kinguartinneqarmat ilisimannittut uani sapaatip-akunnerani ataasinngornermi imaluunniit marlunngornermi takkussinnaasimanngillat.
Tassani ilisimannittut tallimat nassuiaateqassapput.
Taakku ilagaat politiini misissuisartut pisortaat, Grímur Grímsson, kiisalu toqusunik misissuisartoq Birna Brjánsdóttirimik misissuisimasoq.
Ippassaq eqqartuussisoqarnerani teknikkikkut uppernarsaatit arlallit saqqummiunneqarput, taakku unnerluutigineqartumut T-mut pasinarnerulersitsipput.
Birna Brjánsdóttir kørekortiani inuaasa ipaat nassaarineqarsimapput.
Unnerluutigineqartumittaaq DNA taassuma kamippaani Doc Martensini nassaarineqarpoq, politiit taakku Polar Nanup talittarfimmi talinngaffigisaata eqqaani nassaarinikuuaat.
Aamma atuakkit:
Unnerluutigineqartup DNA-va Birnap skuuaniittoq
Unnerluutigineqartoq ullumi eqqartuussivimmi najuutinngilaq
Unnerluutigineqartoq: - Birnamut annersitsisimanissara eqqarsaatigineqarsinnaanngilaq
Inuttap allap Birna ilagisimagaa unnerluussaasup oqaatigaa
Unnerluutigineqartup nassuiaateqarnera takunnissimasut akerlilerpaa