assit takukkit
Billardit qarasaasiallu atortui Kullorsuarmi nuannarineqaqaat
Upernaviup nunaqarfiisa avannarlersaanni ungdomsklubbimi pissutsit pitsaanerulernerat meeqqat inuusuttullu iluaqutigilluarpaat
Aasakkut atunngiffiup aallartinnissaata siuninngua Kullorsuarmi ungdomsklubbi, atuarfitoqqamiittoq, nutaanik pequtilersorneqarpoq. Pequtit 2013-imi ukiakkulli tikittussaasimagaluarput, umiarsuilli kingulliit marluk Kullorsuarmut, Upernavimmit 300 kilometerit missaannik avannarpasissusilimmiittumut, tikissinnaasimanngilaq sikoqarnera pissutigalugu.
– NunaFonden tukkusaarsimavoq pequtinillu nutaanik, soorlu sækkestolinik, sofamik, ilisivinnik, issiavinnik nerrivinnilu, pisinissamut tapiissuteqarsimalluni. Atuisartulli qilanaarinerpaasimasaat tassaapput qarasaasiap atortui billardillu, Kullorsuarmi sunngiffimmi sammisaqartitsinermut pisortaq Birgitta Kamman oqaluttuarpoq.
– Billardit nuannarineqartorujussuupput atorneqartuarlutillu. Klubbimiittartulli aamma nuannaarutigaat kiisami ineqalermat sofalimmik sækkestolinillu issiavilimmik, nuannisaqatigiillutik oqaloqatigiiffigisinnaasaminnik. Klubbip atuarfitoqqami init aserfallassimasorujussuit atugarai allanik periarfissaqanngimmat, sunngiffimmi pisortaq oqaluttuarpoq, Kullorsuarmiullu kissaatigisorujussuuvaat nutaamik illutaarnissartik.
Assit ataani takukkit