Naatsorsueqqissaartarfik
Biilit inunnik assartuutit snescooterillu aatsaat taama amerlatigisut
Nunatsinni aqqusinerni tattoqittoqaleriartuinnarpoq. Tamatumalu saniatigut snescooterit aatsaat taama amerlatigipput.
Ukiumi nutaami biilit inunnik assartuutit ukiup siulianut sanilliullugu 7,7 procentimik amerleriarsimapput, tassa 321-nik amerlisimapput, taamaalilluni katillugu biilit 4.507-inngorlutik.
Biilit assartuutit aamma amerlisut
Akileraartarnermut Pisortaqarfimmi qamutit motoorillit nalunaarsorsimaffianit kisitsisinit tamananna takuneqarsinnaavoq.
Biilit assartuutit 3,2 procentiinnarnik amerliariarput.
Kisitsisit atorlugit nassuiaasiornermi takuneqarsinnaavoq, ukiumit nutaamit qamutit motoorillit 8.831-t nummerpladillit nalunaarsugaasut. Taakkunannga 8.646-t motooriliupput, 185-illu kalitaallutik.
Ingammik illoqarfiit pingaarnersaanni Nuummi qamutit motoorillit amerlapput - 4.900-t - tassa affaat sinningaatsiarlugit. Nunatsinni illoqarfiit annersaata tullia, Sisimiut, qamutit motoorillit 1.521-iugamik amerlanerpaat tulliupput, Ilulissanilu 797-iugamik pingajuupput.
Snescootit nuannarineqarluartut
Snescooterit amerligaluttuinnarput, kisitsisit atorlugit nassuiaasiornerup takutippaa.
2015-imi 1.179-iupput, 2017-illu aallartinnerani 1.411-t nalunaarsorsneqarsimapput - snescooterit 232-nik amerleriarlutik.
Qamutit motoorillit nalunaarsorneqarsimasut nummerpladeqarnertik assigiissutigigaat, Naatsorsueqqissaartarfiup maluginiaqquaa. 2013 aallarnerfigalugu snescooterit, traktorit, qamutit kalitat, lastbiilit kalitarsui il. il. nalunaarsuiffimmut ilanngunneqarput.