Angallanneq
Biilit innaallagissamik ingerlatillit Nuummi amerliartupiloortut
Biilit innaallagissamik ingerlatillit Inatsisartunit akitsuuteqartinneqannginnerat iluatsippoq, innuttaasullu aatsaat taama mingutsitsinnginnerusumik ingerlapput
Biilit innaallagissamik ingerlatillit piffissami sivikitsumi nuannarineqartorujussuanngorput - Nuummiinnarli ineriartorneq pivoq.
Tassami sinerissami mekanikerit siunissami biilit suliarisinnaanngilaat. AG uani sapaatip-akunnerani taama oqaluttuarpoq.
Siullermik qularneq
Nuummiut biilit innaallagissamik ingerlatillit akuleriinnillu ingerlatillit atorlualerpaat, naak aallaqqaammut batteriit qanoq ukiuuneranik issimi ikkumaanerat qularineqarsimagaluartoq.
Tamanna politiit AG-mut nalunaarsuusiaata takutippaa.
Manna siunissami nungusaataanngitsumik toqqammaveqartumik biilit 118-it Nuummi nalunaarsorneqarsimapput – amerlanerillu 2015-imi 2016-imilu nalunaarsugaapput, pinerlittaalisitsisut oqarput.
Naak sineriammi soqutiginnittoqaraluartoq, taamaattoq illoqarfinnut annernut biili ataasinnarluunniit tunineqanngilaq.
- Naamik tunisaanngivipput, tamaanimi iluarsaanneqarsinnaanngillat, Nuummi Deres Automi tuniniaanermut pisortaq, Kurt Pedersen oqarpoq.
- Biilinik taakkuninnga tunisissagutta akuersissummik peqqaartariaqarpugut. Inuillu tamakkununnga ilinniartinnissaat akisuupilussuuvoq. Sinerissamit taakku pisiariumaneqartupilussuugaluarput, nassiusisinnaanngilagulli. Sarfarmi sakkortooq matumamni pineqarpoq.
Atuaruk: Biilinut innaallagiamoortunut immiisarfiit siulliit aajuku
Allaaserisap sinnera AG-p oqaluttuaani uani sapaatip akunnerani saqqummertumi atuaruk