Biilit benziinatortut Nuummi atorunnaarsinneqarnissaat anguniarneqarpoq

Kommuneqarfik Sermersuumi borgmesteri, Asii Chemnitz Narup, Inuit Ataqatigiit, Nuuk pillugu anguniagartuumik takorluugaqarpoq. Biilit illoqarfimmit anisinneqassapput: Pingaartumik benziinamik dieselimillu ingerlatillit tuusintit arlaqartut.

Tamanna oqallisissiami borgmesterip kommunalbestyrelsip ataatsimiinnerani kingulleri saqqummiussaani atuarneqarsinnaavoq. Oqallisissiaq Nuummut illoqarfiit pingaarnersaannut periusissiap suliarineqarnissaanut isumassarsiorfissatut atuuttussaq.

Atuaruk: Illoqarfiit pingaarnersaannut Asii periusiorniarpoq

- Innuttaasunik angallassinerup tamakkerluni innaallagissamik ingerlateqalersinnaanera ukiualuinnaat qaangiuppata qulakkeerneqarsinnaasariaqarpoq. Tamatumalu kingorna inuinnaat biilii
tamarmik innaallagissamoortuulersinneqassallutik, Asii Chemnitz Narup oqarpoq, innaallagissallu suminngaannersuunissaa aamma tikkuarlugu:

- Seqinermit seqerngup kissaa iluaqutigalugu minnerunngitsumillu Utoqqarmiut Kangerluarsunnguannit, illoqarfimmi innaallagissamik kiassarnermillu atuinerup ilangaatsiarujussuanut matussuseereersoq, kisiannili aamma ullup unnuallu ingerlanerani piffissat ilaanni sinnilerujussuarmik pilersuisartoq.

Allaaserineqartoq Nuuk Ugeavisimi atuarneqarsinnaavoq. Nuummi pisut pisussallu pillugit aviisimi aamma atuarneqarsinnaapput. Aviisi akeqanngitsumik ataani aaneqarsinnaavoq:

Nuuk Ugeavis Uge 40 2014

Klik her for at læse