Nuuk
Biilinik sarfatortunik suliniut anguniagartooq iluatsinngitsoq
Siorna Nuummi biilinik sarfalersuutit atoqqaartinneqartut ikittuinnaat attartortinneqarsimapput. Nuuk Centerip ataani sarfalersuigasuaat atuutilinngivissimavoq Danmarkimi pilersuisup akiliinissamik aaqqiissutissaa Kalaallit Nunaanni atorsinnaanngimmat
Nuummiut inissiarsuarni najugallit 70 procentiisa biilinik sarfatortunik marloqiusamilluunniit ikimmateqartunik pisinissaannik pilerinarnerulersitsiniarnermik misileraalluni suliniut iluatsissimasutut oqaatigineqarsinnaanngilaq.
Taamanikkut avatangiisinut Naalakkersuisup Mala Høy Kúkop oktobarip 28-ani Nuummi Qinngutsinnilu sarfalersuutit aqqaneq marluk atoqqaartimmagilli ataasiinnaq attartorneqarpoq.
Atuaruk: Kommune innaallagiartortunik biileqalerusuttoq
Biilit sarfatortut siammarterusuppai
Tassalu Nukissiorfimmi sulisumit suliniummik ingerlatsisumit.
Sarfalersuutit allat aqqanillit atorneqarsinanngillat, ukiullu ingerlanerani apummik matuugaallutik puigorneqarlutik.
Inissiarsuarnimi biilinik piginnittut illuuteqartutut namminneq sarfalersuummik pisisinnaanatillu ikkussisinnaanngitsut inigisaminnit ledningit atorlugit sarfalersuisarput.
- Naluara iluatsinngitsutut taasinnaanerlugit misileraallunili suliniutaasimavoq takuniarlugu ullumikkornit biilinik sarfatortunik atuineq annertunerulersissinnaaneripput. Nalilerneqarpoq siammarnissaanut inuit inissiarsuarni najugaqarnerat aporfiusimasoq, taamaattumik sarfalersuutit ikkunneqarsimapput aningaasanut inatsimmi aningaasaliissutit aqqutigalugit, Nukissiorfimmi nukissornermut pisortaq Michael Pedersen oqarpoq.
Atuaruk: Biilinut innaallagiamoortunut immiisarfiit siulliit aajuku
Aallartisarnermi ajornakusoorput
Ledningit ikkussuineq ikkuffinnillu attartortunut qaqutigoorluinnartumillu nammineq biilimik inissiiveqalernissamik kinguneqartunik pisineq katillugit 450.000 koruuneqarpoq.
- Misileraalluni suliniuteqarnermi tamatigut aallartinniarnermi ajornartorsiuteqartarpoq, oqartoqarsinnaavorlu tamanna maannakkut pisoq. Taamaattumillu tunngaviginiakkat ilaat nalilersortariaqarpavut, Michael Pedersen oqarpoq.
Atuaruk: Biilit innaallagissamik ingerlatillit Nuummi amerliartupiloortut
Allaaserisaq tamaat AG-mi kingullermi atuarsinnaavat. Aviisi uani pisiariuk: