biilinik ingerlatsisinnaanermut uppernarsaat
Biilinik ingerlatsisinnaanermut ilinniutit qanganitsertut
Biilininut ingerlatsisinnaanermut ilinniut kiisami nutarsarneqalerput
Kalaallit Nunaanni biilinik ingerlatsisinnaanermut ilinniut 1994-imeerssoq marlunnik pingaarutilinnik amingaateqarpoq.
Siullertut qanganitsernikuuvoq angallannermullu inatsinut atuuttunut naapertuunnani.
Aappaattulli ullumikkut taanna naqiterneqarunnaarnikuulluni.
Tamannalu pissutigalugu folketingimi ilaasortaq Aaja Chemnitz Larsen (IA) biilinut ingerlatsisinnaanermut nutarterneqarnissaanik transportminister Ole Birk Olesenimut (LA) piumasaqarpoq.
- Biilersinnaanermut ilinniartut biilersinnaanermut ilinniutit pissarsiarisinnaasariaqarpaat. Maleruaqqusat inatsisillu atuuttut tamanit takuneqarsinnaasariaqarput, taanna tusagassiuutinut nalunaarummi allappoq.
Suliaq ingerlateqqissallugu, transportministerip neriorsuutigaa. Transportministeri Ole Birk Olesenip Aaja Chemnitz Larsenimut akissuteqarnermini killiffik aaqqiivigineqartariaqartoq nassuerutigaa, taamaammat Namminersorlutik Oqartussat peqatigalugit aaqqissutissamik ujaasinialerpoq.
- Nuannaarutigaara, transportministerip iliuuseqarnialernera.
Biilinik ingerlatsisinnaanermut ilinniutip 1994-imi saqqummerneraniilli, qitequtinik peqqussuteqarlerneq oqarasuaatinillu angallattakkanik oqaluussisarnermik inerteqquteqalerneq angallannermut inatsimmi allannguutigineqarsimasunit taaneqartut marluinnaapput.