Biilinik aallarussisoq ajunaartoq
Qaqortumi biilinik aallarussisoq, politiinit qimaanermini ajunaartoq
Ippassaq angut 36-nik ukiulik biilinik aallarussaminik ingerlaartilluni nivattaassuarnut apornermi kingorna ajunaarpoq.
Qaqortumi politeeqarfiata nalunaaqutaq 15:25 nalunaarutigaa biilit Qaqortumi Torvevejimi uninngasut aallarunneqarsimasut.
Politiit ornigussimapput kingornali biili illoqarfiup aqqusernani ujaarilersimallugu.
Politiit biili angummik aqquttoqartoq toraarsimavaat, tassani politiit qulliit tungujortut kalerrisaarutit atorlugit aallarussisoq uneqqusimagaluarpaat.
Aquttorli unissimanngilaq, tassanngaanniillu sukkalisaarluni qimaalluni.
Taassuma aqqusernit assigiinngitsut ingerlaarfigisimavai naggataanili Vatikanbakkenimilu illuatungaanut biilertut ingerlaarfiannut iseriakkaluaqisoq pisimalluni.
Tassani biili nivattaassuarmut aporpoq.
Angut 36-nik ukiulik nakorsarmit alakkarneqarami ajutoorfimmi toqusimasutut nalunaarutigineqarpoq.
Toqusimasumut ilaqutaasut politiinit ilisimatinneqareersimapput.
Politimesteri suliamut misissuititsivoq.
Innuttaasut takusaqarsimagunik arlaatigulluunniit ilisimasaqarunik politiit oqarasuaataannut 70 14 48-mut sianerlutik saaffiginninnissaat politiinit kaammattuutigineqarpoq.
Ajunaartoqarneranik takunnissimasut ikiorserneqarnissamik pisariaqartitsisut Qaqortumi inunnik isumaginnittoqarfimmut 49 34 35-mut 25 35 34-mulluunniit sianersinnaapput.