toqutsisoqarsimaneranik paasiniaaneq

Biilini aammik nassaartoqartoq

Biilit aappaluttut Kia Rio-nik meqqillit toqutsisimasutut pasineqartunit attartorneqartut aammik nassaarfigineqarput. Politiit Morgunbladidimut tamanna uppernarsarpaat. Aallu Birna Bjránsdóttiriminngaanneernersoq misissorneqartussanngorpoq.

Politiit uppernarsarpaat biilini Kia Riomi aappaluttumi aammik nassaartoqarsimasoq, taannalu biili Birna Bjránsdóttir periarfeerunneqarnerata paasiniarneqarneranut pingaaruteqarluinnarpoq.

Einar Jónsson Gudberg Reykjavikimi politiineersoq mbl.is-imut taama uppernarsaavoq.

Politiillu weekendip ingerlanera akissutisinissartik naatsorsuutigaat.

Biili aappaluttoq Polar Nanumi inuttanit marlunnit attartorneqarsimavoq, taakkulu sisamanngormat toqutsisimasutut pasineqarlutik tigummigallarneqalerlutik.

Angutit pineqartut ippassaq killisiorneqareeramik immikkoortillugit paarnaarunneqarput. Nutaanillu paasisaqartoqanngippat killisiorneqaqqinnissaat pilersaarutigineqanngilaq.

Maannakkullu biilit aappaluttut arfininngormat kingullermi sumiissimaneri, tassa Birna Bjránsdóttirip ullaassakkut persiarfeerunneqarnerata nalaanu, politiit misissuiffigileruttorpaat.

Arnamillu 20-nik ukiulimmut ujaarlerneq suli ingerlanneqartuarsinnarpoq. Ujaarineqartorlu sumeerpiarsimaneranik politiit paasissutissaateqanngillat.

Powered by Labrador CMS