konkurrence
Biilimik taasigit Ipad-imillu eqquillutit
Biili sorleq Ukiup Biiliatut toqqarneqassasoq isumaqarpit? Biileerniartarfiit sisamat Ukiup Biilianut piukkussaminnik Sermitsiaq Motoori-mut saqqummiussipput
Sapaatip akunnerani uani Sermitsiaq Motoori saqqummersinneqaqqaarpoq. Sammisaqarfik nutaaq akuttunngitsumik aviisimut ilanngunneqartartussaq, biilit, angallatit, snescooterit motoorillillu allarpassuit samminialeraangatsigit.
Motoori-mi aamma pissanganartumik unammisitsisoqarpoq, atuartartut tamarmik akissarsiassanik pilerinartunik makitseqataasinnaallutik.
Motoori-mi biileerniartarfiit sisamat ukiup biilianut piukkussaqarput. Illit qanoq isumaqarpit? Aviisimi biilit allassimasut arlaat taasinnaavat imaluunniit namminerpiaq piukkussaqarsinnaavutit.
Ukiup biilianut tunngavissaapput akia, pitsaassusia, ingerlatissamik atuinera, ingerlakkuminassusia aammalu Issittumi atorsinnaassusia.
Siunnersuutit nassiunneqartut akornanni ilaatigut makitsissutigissavagut iPad akissarsiassallu allat pitsaasut.
Unammineq pillugu biileerniartullu ukiup biilianut piukkussaannik annertunerusumik atuarsinnaavutit Sermitsiami sapaatip akunnerani saqqummersumi.
Siunnersuutit kingusinnerpaamik decembarip aallaqqaataani uunga nassiuguk konkurrence@Sermitsiaq.AG
Ajugaasut 2014-mi Motoori-p normuani siullermi tamanut saqqummiunneqassapput.