Skip to main content

Biili milluaatilik inuussutissallu ataatsimoortinneqarsinnaanngillat

Nuummi illoqarfiup qeqqani Brugsenip saavani saqqumisumi inuussutissanik tuniniaaneq Kalaallit Nunaanni Uumasunut Nakorsaqarfik Inuussutissalerinermullu Oqartussaaffimmit naammagineqarunnaarput. Massakkulli unitsissaaq

Tuniniaaneq inerteqqutaalluinnarpoq, oqartussat, sumiiffimmi tuniniaasoqartarnera unitsinniarlugu arlaleriarlutik nakkutilliititsisoqarnissaa  mianersoqqussutigalugu, tusagassiuutinut nalunaarummi naqissusiipput.

Biili milluaatilik inuussutissallu

Assimi innersuussutigineqarpoq, sumiiffimmi kalaaliminernik tuniniaaffimmi biili milluaatilik kuffiit aqqutaanni milluaasoq.

- Tuniniaavigineqartullu eqqannguani biilit pujuliortitsisut takuneqarsinnaapput, inunnik 
pujortartoqarluni aamma qimmit pitussimaneqanngitsut takuneqarsinnaallutik. Sumiiffik  inuussutissanik tuniniaavigineqartussatut naleqqutinngivilluni, oqartussat allapput.

Oqartussat iliuuseqarnissaat, pisisartut pisiaminnik nerisaqarsimatillutik napparsimalinnginnissaat anguniarneqarpoq.

Nakkutilliineruneq

- Inuussutissanik tuniniaasut nakkkutiginerulissallutigik pilersaarutigaarput, ingammik Brugsenip eqqaani tuniniaasut nakkutigineqassallutik, immikkoortortaqarfimmi pisortaq Eigill Steingrimsson Naalakkersuisoqarfimmilu  pisortaaneq Jørgen Isak Olsen naqissusiipput.

Nalunaarummi aalajangersakkanik unioqqutitsineq arsaarinninnermik akiliisitsinermillu pineqaatissiissutigineqarsinnaasoq, paasissutissiarineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER