Sisimiut
Biili imermik pajuttoq bakteerianik nassaarfigieqartoq
Sisimiuni biili imermik pajuttup misissuiffigineqarnerani kingullermi paasineqarpoq, imermi bakteeriaqarpallaalersimasoq
Annonse
Taamaammat Sisimiuni najugallit biilimit imermik pajuttumit pilersorneqartut innersuunneqarput, imeq qalateqqaarlugu imertassagaat.
Tassami illoqarfiup imermik pajuttuata misissorneqarnerata kingulliup takutippaa, imeq bakteeriaqarpallaalersimasoq.
- Suliffeqarfiit inuussutissanik nioqqutilliisut sulifeqarfiillu allat peqquneqarput, tunisassiornermi atuinermilu imeq biilimit imermik pajuttuummit pilersorneqarsimasoq qalateqqaarlugu imerneqassasoq imaluunniit atorneqassasoq, Namminersorlutik Oqartussat tusagassiuutinut nalunaarummi allapput.
Qalatitsinissamut innersuut/peqqussut unitsinneqarumaarpoq, erngup ajoquteqarunnaarnera misissuinerit nutaat takutippagu.