Bibi Chemnitz Arnat ulluanni Københavnimi oqalugiassaaq
Arnat ulluannut atatillugu Københavns Hovedbibliotekimi aaqqissuussamut Bibi Bhemnitz Minority Talksimut peqataassaaq. Taassuma kalaalliulluni danskit inuussutissarsiorfiani misigisani oqaluuserissavai
Bibi Chemnitzip Arnat ulluanni anguniakkani aamma sulinini pillugit oqaluttuarniarpoq.
Kattuffik Organisationen Mino Danmark pingaarnertut aaqqissuisuuvoq, taanna danskit naligiissitaanermut ministeriannit Karen Ellemannimit ammarneqassaaq.
Unnummi pingasoriarluni oqallittoqassaaq. Siulleq timimut, suiaassutsimut aamma kinaassutsimut tunngassaaq. Tullia nammineq kulturerinngisami meeqqanik perorsaanermi ajornartorsiutaasinnaasut oqallisigineqassapput.
Pingajuattut kingullertullu Bibi Chemnitzip peqataaffigisaa, anguniakkat, suliat angusaqarluarusussuseq aamma anguniakkat oqaluuserineqassapput. Bibi peqatigalugu neriniartarfiutilik Anh Lé, Lé Lé-meersoq aamma atuakkiortoq ElhamKavousi oqalugiassapput.
Aaqqissuussaq Københavns Hovedbibliotekimi nal. 17.00 – 20.00 akornanni pissaaq.