aatsitassat

Barnes: Kalaallit Nunaata 1 milliard dollarsit annaavai

Inuiaqatigiit suliffissat 1500-it akileraarutitigullu isertitassat 1 milliard dollarsit annaagaat allaffissornikkut paamaarussisoqarneratigut Tanbreezimi pisortaq Greg Barnes isumaqarpoq.

Aatsitassarsiornermut suliffeqarfimmi Tanbreezimi pisortap Greg Barnesip suli kujataani Killavaat Alannguani akuersissuteqartoqarnissaa utaqqivaa. Suliaq taanna ukiuni arlalinni suliarineqarsimavoq.

Allaffissornermik suliaqartut naapertorlugit qinnuteqaataat amigaateqarsimammat, suliffeqarfillu siullermik ilimagineqartumiit aatsitassanik qaqutigoortunik pingasoriaammik amerlanerusunik piiaaniarmat. Taamaattumik piiaanissamut akuersissut aallaqqaataaniit qinnutigisariaqarsimavaat, avatangiisinillu misissuinernik nutaanik suliaqaqquneqarlutik.

Atuaruk: Tanbreezip aatsitassarsiornissamut qinnuteqaataa akuerineqanngilaq

Kommuni isornartorsiuivoq

Ukiup aallartinnerani Kommune Kujallermi borgmesteri Jørgen Wæver Johansen akuliuppoq Namminersorlutik Oqartussanit nutaamik isumaqatigiissusiortoqarnissaa piumasaralugu, itigartinneqartumik.

– Maannakkut Namminersorlutik Oqartussallu oqaloqatigiittarpugut neriuppugullu siunissami ungasissorsuunngitsumi akuersissuteqarfigineqassalluta. Iluatsissajunnassasoq upperaara, Greg Barnes oqarpoq ilimagalugulu ujaasinermi 320 million koruuninik aningaasaliisimalluni suliluunniit sumilluunniit isertitaqarani.

Atuaruk: Kujataani aatsitassarsiornikkut iliuuseqartoqarnissaa Sulisitsisut piumasaraat

Milliardit annaavai

– Ujaasinerli taamaappoq. Aningaasarpassuit atorneqartarput kingorna utertussat. Aatsitassarsiornikkut suliniuteqarpoq 3-4-nik Kalaallit Nunaanni iluatsinnissaminnut periarfissaqartunik. Taamaassappalli allaffissornermik suliaqartut alloriaqqinnissaminnut sapiissuseqartariaqarput.

- Uanga isinnit isigalugu inuiaqatigiit akileraarutitigut isertitassaraluatigut 1 millard dollarsinik annaasaqarput (7 milliard kroner) suliffissat 1500-it annaallugit suliamik aallartitsiumannginnerminni.

Allaaserisaq Sermitsiami atuaruk

Powered by Labrador CMS