Sunday, October 1, 2017 - 08:58

Barcelonami ikinnerpaamik 38-it politiinit aqqunarneqartut

Assi.: AP Photo/Alvaro Barrientos
Catalanerit aqutsisuisa politiit "akisussaaffeqanngilluinnartumik pissaanermik atuisimanerarpaat"

Spaniap politiivisa Barcelonami akerliussutsimik takutitsisut imassanik gumminik saassuppaat.

Amerlanerit annikinnerusumik aqqunarsimapput, ikinnerpaamillu pingasut annertunerusumik aqqunarsimallutik.

- Inuit qulingiluat nakorsiartarfimmi passunneqartariaqarsimapput. Amerlanerit kilernertik, silamik aalasoornertik annilaanganertillu pillugu passunneqarsimapput, napparsimavinni tusarfiit oqaatigaat.

Catalanerit aqutsisuat, Carles Puigdemontip, spaniami oqartussat, "akisussaaffeqanngilluinnartumik pissaanermik atuisimanerarpai"

Politiit akersuunnissamut piareersarsimasut, tusintilikkuuttaat taasiartornerisa nalaanni, imassanik gumminik seqqortaarlutillu qinersivinnut inuttalersorneqarsimasunut isersimapput.

Barcelonap qeqqani politiit akerliussutsimik takutitsisunut qinersiviit eqqaani nunami issianut saassussisimasut, takunnittut oqaatigaat.

Aammalu politiit qinerivik Gironap eqqaaniittoq, Puigdemontip qinisivissaa, ingalaavi matullu ingalaavi aserortersimavaat.

Seneste nyheder / Nutaarsiassat kingulliit