pisortaq nutaaq
Banknordikip ukiuni qulini pisortaa tunuarpoq
Savalimmiormiut aningaaseriviat Banknordik nutaamik pisortaanertaassaq, nutaamik periusiornermut sammisaqalernermullu atatillugu
Savalimmiormiut aningaaserviat Banknordik periutsimigut annertunerusumik allanngortiterinialerpoq, tamannalu pitsaanerpaamik ingerlanniarlugu aningaaseriviup pisortaanerminik Janus Petersenimik suleqateqarnini unitsippaa.
Taamatut aningaaserivik fondsbørsenimut allappoq.
Janus Petersen ukiuni qulini Banknordikimi pisoraanerusimavoq, aningaaserivimmilu ukiuni 21-ni sulisimalluni.
– Aningaaseriviup nukini atussavai atuisartut piginneqataasullu pitsaanerpaamik pissarsitinnissaannut. Samminninniarnerput tamatuminnga tunngaveqarpoq, siulersuisuni siulittaasoq Stine Bosse oqarpoq.
– Banknordik Savalimmiuni aningaaseriviit annersaattut aammalu Kalaallit Nunaanni ingerlatsinerup 20 procentianik tigumiarluni Danmarkimilu alliartupiloorluni tuniniaavinni taakkunani ingerlatseqataarusuppoq, aningaaserivik fondsbørsenimut nalunaarummini allappoq.
Janus Petersenip kingoraartigissavaa Banknordikip aningaasaqarnermut pisortaa Árni Ellefsen, taannalu pisortaanerugallartutut ivertinneqarpoq.
Banknordik nalunaarummigut oqaluttuarpoq periusissanik nutaanik aalajangiisoqaraluartoq ukiumi angusassatut siusinnerusukkut nalunaarutigineqarsimasut allanngortinnissaannut tunngavissaqanngitsoq, naatsorsuutigineqartorlu periusissaq ingerlanneqareerpat piginneqataasut immikkut angisuunik iluanaarutissinneqarnissaat.