Banknordikip Nunatsinni aningaasarsiornera appariartorpoq

- Angusarisarput iluarisimaarparput, nalunngilarpummi Kalaallit Nunaanni unammilleqatigiinneq qanoq isikkoqarnersoq. Kalaallit Nunaanni angusarineqartut iluarisimaarpavut. Angusarpummi assingusoq anguarput naak isertitagut annikilliartoraluartut.

Banknordikip Kalaallit Nunaanni immikkoortortaqarfiani pisortaq Jón Brekku oqarpoq. Banki 2014-mi 157 million koruuninik sinneqartoorpoq.

Banknordikkip 2014-mi 789 million koruunit isertippai. Ukiup siulianut naleqqiullugu 6 procentimik appariaateqarpoq (36 million koruunit).

Suleqataasut 506-iupput, ukiup siuliani 523-iupput, ukiut pingasut matuma siorna sulisut 612-iusut.

Nunatsinni isertitat annikilleriartut
Bankip Kalaallit Nunaanni immikkoortortaani isertitai annikilleriarput atukkiinerit ikileriarnerat pissutaalluni. Sullinneqartut ilaat aamma annaaneqarput. Taamaattorli akiliutigineqartut ikileriaateqarput. Aningaasat isertinneqartut akiligassarineqartullu 2013-mut sanilliullugu procentinik qulinik appariaateqarput. Tamanna 2014-mi angusani atuarneqarsinnaavoq.

- Bankimi ataqatigiissaarinikkut Kalaallit Nunaanni bankini annersaavugut. Atukkiinermi isertinneqartut 2,2 milliard koruuniupput. Kalaallit Nunaanni suliniutinut Banknordik aningaasaliinissanut piareersimavoq. Kalaallit Nunaanni tuniniaaviup ilaa tigummisap annertusinissaa naatsorsuutigaarput, Jón Brekku oqarpoq.