Balonngit kisiisa qaartillugit!
Naeaap Atuarfiani atuartunut angajullernut ulloq atuarfiusoq "nalinginnaasoq" kingulleq
Tallimanngorneq Narsami pisarnertut aallartippoq atuartut soraarummeertussat ullaassakkut ilinniartitsisutik itersarlugit, kingornalu atuarfimmi pingaartumik atuartut mikinerit imermik niaquisigut seqqitsarlugit. Meeqqat tamarmik nilliasarput nuannisaqalutillu, aamma masannerpaat.
Pisarnertut ilinniartitsisut atuartullu soraarummeertut unammilaartaqattaarput kingornalu noqqoruullutillu arsaallutik.
Ukioq manna suut tamarmik ingerlanneqarput kommunip allaffiata saavani kommunip naatsiiviani, arsaannerli "Narsap Arsaattarfiani" ingerlanneqarpoq.
Unammissutit ilagaat kina issingigassanik sukkanerpaamik nerisinnaanersoq, immussaa immiaaqqamik taarserlugu. Naligiillutik unammillutik issingigassat nungungajalerlugit aappaa merialeriataarpoq, aappaalu ajugaasutut suaarutigineqarpoq.
Ballongit kisiisa qaartillugit!
Unamminermi allami ilinniartitsisut angutit ballongimik pullassimasumik sarliarlutik issiavimmi issiapput. Taaava ilinniartitsisut arnat ballongit ingiffigalugit qaartinniassavaat. Atuartut oqaaqqissaaripput ballongit kisimik qaartinneqassasut, allatut iliortoqarpat peersitaasoqassaaq.
Noqqoruunnermi ilinniartitsisut ajugaallualaavipput. Tamanna pissutaasimassaaq atuarfiup "ilinniartitsisuitut nukittuutut" taaneqartarnerannut. Akerlianik atuartut arsaannermi ajugaapput.
Ukioq manna Narsap Atuarfianit soraarummeertut 23-iinnaapput, siorna 26-iusimallutik.