AWG: Ullup ataatsip qaangiunnerani medaaliannattut
Kalaallit timersortartut AWG aallartinneraniit arfinillit medaaliannapput. Kuulti siulleq pissarsiarineqarpoq
Ullup ataatsip qaangiunnerani kalaallit Arctic Winter Gamesimi peqataatitaat medaalianik pissarsilluarput.
Tassani kuulti siulleq pissarsiarineqarpoq. Mick Josefsen Arctic Sportiminngaanneersoq arm pullernermi kuultinnattuuvoq. Piffissami matumani Kalaallit Nunaata unammiuaarnernut peqaanermini taanna kisiat kuultinnattaringallarpaa.
Medaaliat arlallit
Maannamut sølvit pingasut pissariarineqarsimapput. Snowboardertartoq Ajaana Kleemann unammeriaatsimi rail jamimi sølvinnappoq. Arctic Sportsimi Lone Nikolajsen Hansen arm pullernermi sølvinnappoq kiisalu Katja Nielsen Dene Gamesimi unammeriaatsimi stick pullimi aamma sølvinnalluni.
Bronzet marluk pissariarineqarput, Inuk Brøns snowboarderluni rail jamimi aammalu Julius Amossenip Dene Gamesimi stick pullernermi bronzennannerisigut.
Marlunngornermi Kalaallit Nunaat amerlanerusunik medaaliannatitaqarnissamut aamma periarfissaqarpoq.
Aana marlunngornermi programmi: