AWG: Timersortartut Canadamut tikipput
Kalaallit Arctic Winter Gamesimut aallartitaat tallimanngornermi Canadamut tikipput. Assit takukkit
Kalaallit Arctic Winter Gamesimut peqataatitaat tallimanngornermi Kangerlussuarmit Yellowknifemut timmisartortut sivisuumik angalapput.
Airbus Norsaq siullermik Canadamut aallannginnermi teknikkikkut ajoquteqarpoq, Kangerlussuarmilu akunnerit pingasut utaqqisoqarpoq.
Killeqarfimmi nakkutilliineq sukannersoq
Yellowknifemut timmisartorneq akunnerit sisamat missaannik sivisussuseqarpoq. Angalaqatigiit apuuffissaminnut apissimmata aamma utaqqisoqaqqippoq. Peqataasut tamarmik tassani Canadap killeqarfiani nakkutilliineq sukannersoq aqqusaarpaat, tassanilu aamma akunnerit pingasut missaat nakkutilliisarfikkoortinneqarnerat sivisussuseqarpoq.
Striks grænsekontrol
Tamatuma kingorna sivisuumik bussertoqarpoq. Peqataasut illoqafimmut Hay Riveriliartussat akunnerit arfineq-marluk missaanni busserput, peqataasullu allat Fort Smithiliartut akunnerit qulit busserlutik.
Aqagu sapaammi ammaanersiortoqassaaq.