AWG: Pissaganartumik futsalimik unammisoqassaaq

Iligiit kikkut pissartanngorniutivinnernut ingerlaqqissanersut ullumi tallimanngornermi aalajangerneqassaaq

Futsalertartut tamarmik AWG-mi ingerlalluarput. Kalaallit tamarmik semifinalimi unammissapput

Kalaallit futsalimik peqataatitaat tamarmik Arctic Winter Gamesertoqarnerni tamarmik semifinalimut anngutereersimapput.

Niviarsiaqqat inuussuttaqqat puljeminni tulliullutik inissipput – ilgiiit semifinalimi Alaska unammissavaat. Taakku semifinalimi unammisassatik unammeqqaaramikkit kalaallit niviarsiartaat 7-4-mik ajugaapput.

Niviarsiarsiaqqat inuusuttut manna tikillugu unamminitik tamaasa ajugaaffigisimavaat. Taakku puljeminni siuttuullutik inissipput, semifinalimilu Northwest Territories unammissallugu. Niviarsiaqqat semifinalimi unammisassatik unammeqqaaramikkit 3-2-mik ajugaaffigaat.

Nukappiaqqat aamma annguttut

Nukappiaqqat inuusuttut ingerlalluarsimanngillat. Iligiit sisamanngormat Northwest Territoriesimut unamminermi 3-0-mik siuaqqasimangaluarlutik, 3-5-mik ajorsarput. Taakku semifinalimi Yukon unammissavaat – unamminermi siullermi taakku tamarmik marlunnik isertitaqarlutik naligiissimapput.

Nukarliit unammiuaarnermi ingerlalluarsimaqaat, pissartanngornissaallu ilimagineqarluarluni.

Iligiit sisamanngormat Northwest Territories 22-1-mik ajugaaffigerujussuarpaat. Semifinalimi Alaska unammissavaat, taakku unamminermi siullermi nukappiaqqat 8-0-mik ajufaaffigaat.

Pissartanngorniutivinnerit aqagu arfininngornermi ingerlanneqassapput.

Powered by Labrador CMS