AWG: Nukappiaqqat futsalertartut ajugaarujussuaqqittut
Nukappiaqqat futsalertartut nukarliit Yukonimut unamminermi qulinik isertitaqarput
Marlunngormat Arctic Winter Gamesimi futsalimik unammisaqattaarnerni arlalinnik isaatitsisoqaqqippoq.
Ukiuunerani unammiuaarnerit Canadami South Slavemi ingerlanneqarput.
Marlunngornermi kalaallit U-14-nut peqataatitaasa Yukon kingullertut unammivaat. Unammisartoqatigiit unammisaqattaarnermi Alberta 5-1-mik ajugaaffigisimavaat.
Marlunngornermilu unammineq sivikitsumik ingerlareersoq isertitaq siulleq isertinneqarpoq.
Unammineq kalaallit nukappiarartaasa 10-3-mik ajugaaffigaat.
Unamminermi aqutsisoq Nemo Thomsen tallimanik isertitaqarpoq. Aputsiaq Andersen aamma Romeo Blidorf tamarmik marlunnik isertitaqarput Aiko Nielsenilu ataatsimik isertitaqarluni.
Unammisartoqatigiit pingasunngornermi piukkunnaateqarluinnartut Yamaliminngaanneersut unammissavaat.
Marlunngornermi futsalimi inernerit tamaasa takukkit