Arctic Winter Games
AWG2016 nammineq kajumissutsiminnik suleqataasunut illoqalerpoq
Kajumissutsiminnik AWG2016-mut suleqataaniartut upernaaru allatsissinnaalissapput. Illu kikkunnut tamanut iserfigineqarsinnaalerumaarpoq ilaatigut paasissutissanik pisoqarsinnaalissalluni
AWG2016-ip nammineq kajumissutsiminnik suleqataasussat 1500-it missaanniittut pisariaqartissavai, taakkulu piareersaanernik unammiuaarnerillu ingerlanneqarnerinik, unammiuaarnerillu kingorna suliaqataassapput. Nammineq kajumissutsiminnik suliaqartut arlallit sulillutik aallartereerput maannalu ataatsimiinnissamut sulianullu allanut suliaqarnissamut sumiiffissaqalerput.
AWG2016 tusagassiutinut nalunaaruteqarpoq.
AWG2016-pi nammineq kajumissutsiminnik suleqataasunut illua Kommuneqarfik Sermersuup eqqaani illumi aappaluttumiissaaq, ilaatigut vestre fængselimik taaneqartartumi, taannalu aamma AWG 2002-mut atatillugu AWG-mut tunngasunik suliaqarnermut atorneqarpoq.
Aallaqqaataaniit illu tamanut ammatinneqassanngikkallarpoq, AWG2016-mili aaqqissuisut assigiinngittut suliffissaattut ingerlaannaq atorneqalissalluni. Upernaap ingerlanerani illu tamanut ammasalissaaq, taamaalilluni innuttaasut saaffiginnissinnaalissapput, paasissutissanik pissarsisinnaalissapput kiisalu nammineq kajumissutsiminnik suleqataasussatut nalunaarsinnaalissallutik.
Assit ataani takukkit