Arctic Winter Games
AWG2016-imut ambassadørit tamarmik toqqarneqarput
Arctic Winter Games 2016-imut ambassadørit (sinniisuutitat) assigiinngissitaartunik piginnaanillit maanna tamakkerput, taakkulu suliassaraat AWG2016-ip oqariartuutaanik siammarterinissaq aamma tikeraartitsisuunermik tapersersuinissaq.
– Ambassadørit assigiinngitsunik piginnaanillit toqqarpavut, sumiiffinnik assigiinngitsunik sinniisuusussat aammalu assigiinngitsunik soqutigisallit. Arctic Winter Gamesip tunngavigilluinnagaatut ambassadørit assigiissutigisaat tassaavoq timersornikkut, kulturikkut imaluunniit kajumissutsimik suleqataanerup iluani malugineqarsinnaasumik iliuuseqarsimammata. Aammattaaq pingaartipparput AWG2016-imi nuannaarnerup siaruarterneqarnissaanut peqataasinnaanissaat. Ambassadørit suliassamik tigusiumallutik akuersinerat nuannaarutigisorujussuuarput, tamannalu pingaartittorujussuuaarput, pisortaq Maliina Abelsen tusagassiuutinut nalunaarummi oqarpoq.
Atuaruk: AWG-mi kajumissutsiminnik suleqataasut pikkorissarnerat maanna aallartippoq
Ambassadørit
Apriili 2014-imiit decembari 2015-ip tungaanut AWG2016-imut ambassadørit katillugit qulit toqqarneqarput. Toqqarneqartut siulliit tassaapput erinarsortartoq Kimmernaq Kjeldsen aamma sulorartartoq Frederik Elsner.
Aaqqissuussinermi One Year To Go-imi 2015-imi marsip ulluisa arfernanni pisumi allat pingasut toqqarneqarput, tassaasut Issittormiut pinnguaataannik timersortartoq Tonny Fisker, arsaattartoq Nivi Mathiassen aamma AWG2002-mi Iqalunni General Manageriusoq Victor Tootoo.
Atuaruk: Sisimiut Winter Games kingorna: Tallimat AWG-ernissamut akuerisaapput
Ujakkaartartoq Niviaq Chemnitz Berthelsen aamma ukiorpassuarni N.A.I.P-mi suleqataasoq Ane Berthelsen kiisalu Tae Kwon Do-mik issittormiullu pinnguaataannik timersortartoq Bolethe Stenskov 2015-ip ukiaani toqqarneqarput.
Iqalunni kulturikkut malunnaateqarluartoq Laakkuluk Williamson Bathory kingullertut Iqalunni toqqarneqarpoq. Ambassadøritut kingullerpaatut toqqarneqartoq tassaavoq kajumissutsiminik suleqataalluartartoq Sisimiuneersoq Laarseeraq Skifte, AWG2016 nalunaarpoq.
Atuaruk: AWG ingerlanneqarnerani Rotary Nuuk ataatsimoorfioqqissaaq
Allaaserisaq tamaat atuaruk, Nuummilu pisut annertuut annikitsullu paasisaqarfigalugit. Nuuk Ugeavisi uani akeqanngitsumik aasinnaavat: