Arctic Winter Games
AWG: Pingasunngornermi kalaallit arlalinnik ujaminnapput
Arctic Winter Gameseqarnerani kalaallit ujaminnattaavi katillutik maanna 13-upput
Kalaallit timersortartut snowboardimi, Arctic Sportsimi aamma Dene Gamesimi katillugit tallimanik pingasunngornermi ujaminnapput Fairbanksimi Arctic Winter Gameseqarnerani. Timersuutit arlallit ujaminnannissamut aamma periarfissaqarluarput.
Atuaruk: AWG: Sulorartartut ujaminnalluassagunarput
Snowboardertartoq Mathias Mark Nuummeersoq Alaskami Fairbanksimi Arctic Winter Gameseqarnerani maanna pingasunik ujaminnassimalerpoq. Ujaminnattaami pingajuat unammeriaatsimi slopestylemi pissarsiaraa tassani sølvinnakkami unamminermilu tassani Jonas Strømsted Nuummeersoq bronzennappoq. Slopestylemi unammeqataasut snowboardertarfimmi assigiinngitsunik iliortarput dommerinit nalilersorneqartartunik.
Handgames
Arctic Sportsimi unammisartoq Arctic Winter Gamesimi aamma pingajussaa ujaminnappoq pingasunngornermi unamminerni unammeriaatsimi triple jumpimi bronzennakkami. Tassani pingasoqiammik pisseriartarput Tonny Fiskerilu tassani 10,87 centimeterimik pissippoq. Drew Bell Nunavumeersoq ajugaavoq 11,09 meterimut pissikkami.
Eqqillit timersuutaanni Dene Gamesimi kalaallit peqataasut pingasunngornermi marluinnik ujaminnapput unammeriaatsimi hand gamesimi. Unammeriaatsimi tassani misileerngaartut angutit inuusuttuaqqat kultinnapput.
Angutit inersimasut tassani finaleqattaarnermut angukkaluarput tassanili Nordvestterritoriamut ajorsaramik bronzennapput.
Arctic Winter Games pillugu allaaserisat uani atuakkit