Arctic Winter Games
AWG-mut immikkut ittumik aningaasartuutit 17,5 millionit
Maannakkut paasinarsereerpoq AWG-mut missingersuusiat millioninik marlunnik kisitsisitalinnik ilaneqartariaqartut. Aaqqissuussap naleqassusaa aningaasaannartigut naatsorsorneqarsinnaanngilaq, oqartoqarpoq
Ujaminnattaat agguaanneqareerput, nalliuttorsiorneq naammassivoq sulivallaarnikkullu ajoqusernerit pisariaqarteqisamik eqqissisimatinneqarsinnaanngorput.
Arctic Winter Gamesimili suli sulisorpassuaqarpoq. Torersaasoqartariaqarpoq, naatsorsuusiorluni – akiliinermullu uppernarsaatit kisinneqartariaqarlutik!
Timersornikkummi nalliuttorsiornermut Issittumut qaaqqusineq akisoqaaq, taamatullu aaqqissuussinerni imaakkajuttarpoq naatsorsuutigisimasamiit akisunerulluni.
Atuaruk: AWG 2016-imi ujaminnattaat amerlassusaat GIF-ip nalilerpaa
Maannamut Kommuneqarfik Sermersuumuinnaq immikkut ittumik akiligassat 17,5 million koruuniupput. Aningaasat taakku AWG-mut missingersuusiat tamakkiisut qaavisigut kommunip akiligassaasa pingajorarterutaannut 22,5 million koruuninut ilanngunneqartussaapput. Namminersorlutik Oqartussat, kommunip aningaasaliisullu pingasuullutik akiligassat avitassaat 67,6 million koruuniupput.
Amerlanerussasut
Taamaalilluni aningaasartuutit tamakkiisut 85 million koruuninit amerlanerussapput. Maluginiarneqassaarlu tamanna takuneqarsinnaammat timersortartut kingulliit angerlamut aallarneernerisa kingorna sapaatit akunnera ataasiinnaq qaangiuttorlu. Inaarutaasumik akiligassat amerlanerussajunnarsipput.
- Sapinngisarput tamaat missingersuusiat maleqqissaarniarsimavagut, qassiussanersullu oqaatigissallugu siusippallaaqaaq. Suli tamakkiisumik takusinnaanngilakka, AWG-mi pisortaaneq Maliina Abelsen oqarpoq.
Allaaserisaq tamaat AG-mi atuaruk, taanna uani pisiarisinnaavat: